Indepensar ni President Ferdinand Marcos Jr. ti panangdutokna ken ni General Nicolas Torre III kas hepe ti Philippine National Police (PNP) ta nakitana ti kalidadna a mangsigurado a magun-od iti pwersa ti kapolisan dagiti bilinna.
Segun ken ni Pres. Marcos, epektibo iti panagbalin a hepe ni Torre ket iti panagimbestigarda iti baro a programa kadagiti polis ket makatulong tapno maisubli ti talek iti tattao iti ahensya.
Maipalagip nga adu iti nangbabalaw iti pannakadutok ni Torre ta patienda a gungguna dayta ti police official iti panangipa-imada ken ni dati a president Rodrigo Duterte iti International Criminal Police Organization (Interpol) ken panangiturn-over da iti International Criminal Court idiay The Hague, Netherlands tapno sangwen ti kasona a crimes against humanity mainaig iti nadara a war on drugs na idi mayor pay laeng idiay Davao City ken idi presidente iti Pilipinas.
Pinaglibakan dayta iti Malakanyang ket impaganetgetda a ti pannakadutok ni Torre kas top policeman ket discretion ti presidente iti baet nga ad-adu ti senior officers iti adda ti listaan dagiti kandidato para ti nasao a posisyon.
