--Ads--
Nagikkaten kas lead defense counsel ni dati a Presidente Rodrigo Duterte iti International Criminal Court (ICC) ni Atty. Nicholas Kaufman.
Daytoy ket kalpasan a nagleppas ti maysa tawen a kontrata na idi Marso 31, 2026.
Iti naipila a resignation ni Kaufman iti ICC, pinasingkedan na a nagtulagan da ken ni Duterte ti professional engagement-da.
Maipagarup a nakapili metten ti dati a presidente ati abogado nga agiggem ti depensa iti sangsangoen a kaso a crimes against humanity mainaig iti kontrobersial a war on drugs iti administrasion na.
-- ADVERTISEMENT --
Impasigurado met ni Kaufman nga adda naan-anay a kapadasan iti ICC ti mangsukat kenkuana a legal counsel ti dati a presidente isu a saan a maapektaran wenno maitantan ti taray ti kaso ni Duterte.
