VIGAN CITY – Impasigurado ni Presidente Ferdinand Marcos Jr. kadagiti amin a naapektaran iti panagbettak ti Bulkan Kanlaon idiay Negros a nakasagana ti gobierno ken agtultuloy ti panangipaayna iti suporta agingga a natalgedda nga agsubli iti pagtaenganda.
Iti video message na, kinuna ti presidente a nakatutok ti PHIVOLCS, NDRRMC, ken DSWD, ken nakasagan dagiti air assets ti gobierno para iti naparpartak a panagresponde.
Kabayatanna, nagiwaras ti gobierno kadagiti sleeping kits iti ili ti La Castillana, idinto nga adda 13,000 a family food packs a naka-pre-positioned iti Negros Island, ken adda kanayonan na a 40,000 a food packs ken non-food items a maited.
Nagpanawagan ti presidente dagiti umili a liklikan ti 4 km radius permanent danger zone, ken surotenda ti advisories ken instruction ti lokal a gobierno.
Video – Presidente Ferdinand Marcos Jr.
