Indauluan ni Pres. Ferdinand Marcos Jr. iti maika-pito a taripnong iti UPLIFT Committee idiay Malakanyang tapno papigsaen ti whole-of-government response iti gobierno iti epekto ti tensyon idiay Middle East iti enerhiya, transportasyon, ken food security.
Napagpapatangan iti taripnong dagiti addang iti uppat a maipangruna nga isu ti repatriation ken reintegration dagiti Overseas Filipino Workers, panangsigurado iti suplay iti langis, ayuda para kadagiti marigrigat ken low-income households, ken panangpatalinaed iti nalaka a presyo iti taraon ken kangrunaan a magatang.
Karaman iti napapateg nga addang ti updated cash assistance rollout iti DSWD para kadagiti marigrigat ken low-income households, ken ti Recalibrated Transport Support Package iti DOTr a mangsakup iti 151,605 a PUV units manipod Hunyo agingga Disyembre iti agdama a tawen.
Siguradoen ti DBM nga adda umdas a pondo tapno maituloy dagiti programa iti UPLIFT agingga agtapos iti tawen.
