Inyanunsio ti Department of Social Welfare and Development (DSWD) a nakalukaten para iti amin nga indibidwal ti programa nga Assistance to Individual in Crisis Situations (AICS).
Segun ken ni DSWD Crisis Intervention Program Director Edwin Morata, awan ti pilpilyen nga estado ti “shocks” wenno saan a manamnama a pasamak iti tengnga ti didigra wenno energy emergencies gapu ta narigat man wenno nabaknang, low-income earner wenno middle class, adda man trabaho wenno awan ket apektado iti daytoy.
Agtultuloy a pasayaaten ti DSWD dagiti pagannurotan ti programa tapno marisut dagiti kasapulan dagiti agduduma a kliyente.
Padpadarasen pay ti ahensia ti proseso para iti aplikasion ti AICS a kasapulan laengen dagiti kliyente wenno benepisyaryo a dumalan iti tallo a proseso kas ti panagpila, assessment ken interview ken panagirruar ti assistance.
