--Ads--
Nangideploy ti Philippine National Police ti nayon a kameng ken resources da para iti rescue ken disaster response kadagiti komunidad a nalayus gapu iti agtultuloy a panagtudo gapu ti southwest monsoon wenno Habagat.
Segun ken ni PNP chief Gen. Jose Melencio Nartatez Jr., in-deploy ti PNP ti ad-adu a personnel ken resources para iti evacuation ken dadduma pay a kasapulan iti disaster response operations.
Daytoy ket gapu iti agtultuloy panagtudo a mapadpadasan iti Luzon a nagresulta ti pannaka-layus iti Metro Manila ken kaasideg a lugar.
Immuna daytoy, nagisayangkat metten ti pre-emptive evacuation ti sumagmamano a lokal a gobierno, partikular kadagiti komunidad a nadaras a malayus ken dagiti lugar nga asideg kadagiti waterways.
-- ADVERTISEMENT --
