Makikamkammayeten ti Philippine National Police ken ni Senador Sherwin Gatchalian kalpasan a nagpatulong iti PNP gapu ti pannakaawatna iti death threat kasaruno ti naisayangkat a panagdengngeg ti senado inaig iligal a POGO operations iti pagilian.
Segun ken ni Public Information Office Chief PCOL. Jean Fajardo, am-amwen ti PNP-Anti-Cybercrime Group no naggapuan ti pangta iti biag ti senador.
Immunan a nagreklamo iti kapulisan ni Gatchalian inaig iti nagwaras a video online a mapapati nga ipap-papatayda gapu iti aktibo a partisipasyonna iti imbestigasyon ti Senado inaig iti iligal a POGO.
Malaksid ken ni Senador Gatchalian, mano nga opisial ti Presidential Anti-Organized Crime Commission ti nagkiddaw iti tulong kalpasan a makaawatda met iti death threat inaig iti POGO investigation.
Impasigurado ni Fajardo a nakasagana ti PNP a mangipaay iti seguridad kadagiti makaaw-awat iti pangtada iti biag.
