--Ads--
Impasigurado ti Philippine National Police a natalged ti panaglukat ti klase inton Hunyo ita a tawen.
Segun ken ni PNP Chief General Jose Melencio Nartatez Jr., kangrunaan a pokus ti PNP iti kabuklan a seguridad dagiti estudyante nga agsubli kadagiti pagadalan.
Priyoridad pay ti ahensia iti panangsimpa ti trapiko, nainget a panag-patrolya kadagiti kalsada ken panagikkat ti pangta wenno gang activity iti asideg dagiti pagadalan.
Mangikabil pay ti PNP ti police assistance desk iti asideg dagiti pagadalan tapno tumulong kadagiti emergencies.
-- ADVERTISEMENT --
Mainaig daytoy, nagpanawagan ni Nartatez kadagiti nagannak, barangay officials ken volunteers a makitinnulong kadagiti otoridad mainaig kadagiti makapadudua nga indibidwal ken saan a nasayaat nga aktibidad.
