Impannakkel ti Philippine National Police (PNP) ti balligi iti kampaniada kontra iti ilegal a droga kalpasan iti operasyon idiay Ninoy Aquino International Airport (NAIA).
Iti panagtinnulong ti PNP ken Philippine Drug Enforcement Agency (PDEA), naala dagiti otoridad iti nasurok sangapulo ket innem a kilo iti shabu.
Ti nasao a kontrabando ket mapatta-patta nga aggatad iti P114.5 million.
Segun ken ni Police Lt. Gen. Melencio Nartatez Jr., ti balligi a pannakasalama dagiti nasao a kontrabando ket nalawag a seryoso iti panagtignay ken awan iti patingga a kampania iti PNP kontra iti illegal a droga ken dagiti sindikato a karaman.
Sakbay iti pannakasalama ket nakemmeg dagiti tallo a tattao a mapapati a karaman iti drug trade iti naisayangkat nga operasyon.
