Mangipila ti kaso ti Criminal Investigation and Detection Group (CIDG) ti Philippine National Police (PNP) kontra kadagiti tattao a nangpangta kadagiti polis ken pamiliada kabayatan ti manhunt para iti Kingdom of Jesus Christ (KOJC) founder a ni Apollo Quiboloy.
Segun ken ni CIDG director Brig. Gen. Nicolas Torre III, a personal a mangipila iti kaso ti harassment ken direct assault kontra kadagiti personalidad a na-identified a nang-harassed kenkuana ken ti pamiliana idi idauluanna ti mangsapsapul ken ni Quiboloy iti KOJC compound idiay Davao City.
Ni Torre idi ti direktor ti Davao regional police idi indauluanna ti nasurok a 5,000 a pulis iti manhunt ken ni Quiboloy, a sumangsango kadagiti kaso ti qualified human trafficking ken child abuse iti korte ti Pasig ken Quezon City.
Inyunay-unay ni Torre, nga awan ti isyu na kadagiti supporters ni Quiboloy, iti laeng panang-harrass kenkuana ken dagiti padana a pulis ti saanna maakseptar.
