Siguradoen ti Philippine National Police (PNP) nga agbalin a transparent ken dumalan ti husto a procedural process ni dati nga Ako Bicol Partylist Rep. Zaldy Co apaman a makasangpet iti pagilian.
Segun ken ni PNP Spokesperson and Public Information Office (PIO) Chief PBGen. Randulf Tuano, manipod iti panagsangpet ni Co iti Pilipinas agingga iti booking procedures kas ti mugshots ken medical examination ken agingga panagsangona iti Sandiganbayan, ipatungpal ti PNP ti panagbalinda a transparent.
Ilatag ni Tuano dagiti addang ken proseso a masurot apaman a makasangpet ti dati a kongresista nga isu ti mangirugi iti Department of Foreign Affairs (DFA) para iti panag-turn over ken ni Co iti Department of the Interior and Local Government (DILG) sakbay a maipan iti Criminal Investigation and Detection Group (CIDG) iti uneg ti Camp Crame para ti booking procedures kas ti panagala ti fingerprint, mugshot, medical ken physical examination sakbay a maipan iti Sandiganbayan para iti return of warrant of arrest.
Kabayatanna, agtultuloy iti pannakikammayet iti gobierno iti foreign counterparts tapno masigurado a mapaawid iti kabiitan a panawen ni Co tapno sangwen dagiti kaso ken ikkan palawag ti misteryo iti flood control scandal.
