Umaboten iti 2.50 million a Pilipino iti awanan ti trabaho wenno pagsapulan kadagiti agtawen iti sangapulo ket lima agpangato idi May 2026 kas maibasar iti kaudian a Labor Force Survey iti Philippine Statistics Authority (PSA).
Dayta ket manipod iti 2.41 million a Pilipino nga awanan ti trabaho wenno pagbiagan idi April 2026. Adda katukadna dayta a 4.8% nga unemployment rate idi Mayo a nangat-ngato ngem iti 4.7% idi Abril.
Inlawlawag ni PSA Chief Usec. Claire Dennis Mapa a ti year-on-year a panagpangato ti jobless rate ket gapu iti pannakapukaw ti trabaho ti sektor iti agrikultura a posible a gapu iti panagrugi iti El Niño phenomenon.
No maipanggep ti underemployment rate wenno porsiento dagiti mangmangged nga adda trabahona ngem agsapsapul iti extra a trabaho wenno oras iti trabaho ket bimmaba iti 12.2% manipod iti 15.2% idi Abril.
Kabayatanna, nakita iti panagbaba ti employment rate manipod 91.5% idi May 2025 a nagbalin nga 87.6% idi May 2026.
