--Ads--
Nagpaayab ni Presidente Ferdinand Marcos Jr. ti taripnong iti Malakanyang no sadino a ti agenda ti meeting ket dagiti addang ti gobierno kas sungbat iti manamnama nga epekto ti El Niño phenomenon.
Paset ti taripnong dagiti panagsagana ken aramiden ti gobierno tapno maikkan ti proteksion ti agduduma a sektor a mabalin a maapektaran ti El Niño.
Karaman iti matratar ti preparasion iti suplay ti danum, agrikultura, salun-at, enerhiya ken dadduma pay a kangrunaan a serbisio.
Immunan a pinasingkedan ni Palace Press Officer Undersecretary Claire Castro a ni mismo presidente Marcos ti mangidaulo iti aramiden nga aksion ti gobierno iti baet ti manamnama nga epekto ti super El Nino a tumama iti pagilian.
-- ADVERTISEMENT --
