--Ads--
VIGAN CITY – Uppat a tattao ti nakemmeg gapu iti panaglabsingda ti Presidential Decree 1602 idiay Brgy. Cabaroan Daya, Vigan City.
Dagiti suspek ket agtawen iti innem a pulo ket maysa, karpentero; agtawen iti uppat a pulo ket tallo, maysa a utility; agtawen iti limapulo ket uppat, awanan trabaho; agtawen iti uppat a pulo ket dua, construction worker, agpapada a residente ti nasao a lugar.
Nangisayangkat dagiti kameng ti Vigan City Police Station iti anti-illegal gambling operation iti nadakamat a lugar a nagresulta iti pannakakemmeg dagiti suspek gapu iti panagay-ayamda iti “Pusoy Dos.”
Nakumpiskar kadakuada ti maysa a set ti playing cards, maysa a lamisaan a kayo, uppat a monoblock chairs, ken pusta nga aggatad iti PhP942.00.
-- ADVERTISEMENT --
