Nakapiyansan dagiti uppat nga indibidual a nakemmeg gapu ti panaglabsing da iti Presidential Decree 1602, wenno illegal gambling iti siudad ti Candon.
Nabigbig dagiti suspek a maysa a laborer, dua nga tricycle driver ken maysa a construction worker, agpapada a residente ti nasao nga siudad.
Iti pannakiuman ti Bombo Radyo Vigan kenni PLT Jovelyn Antalan ti Candon City Police Station, nakemmeg dagiti suspek babaen ti panangipakaammo kadakuada ti maysa a concerned citizen.
Dagus a nagisayangkat ti kapulisan ti operasion ket a naduktalan da nga agaay-ayam ti Pusoy dos dagiti suspek ket naala kadakuada ti maysa a set ti braha ken pusta.
Iti agdama nagpiyansa dagiti suspek ti agdagup 30,000 pesos ti tunggal indibidwal para ti temporario a pannakawayawaya da.
