--Ads--
Imbilin ni Admiral Ronnie Gil Gavan iti Philippine Coast Guard (PCG) ti pannakapatayab ti PCG aircraft kas paset ti Maritime Domain Awareness patrol tapno bantayan ti kaadda ti Chinese research vessel a Xiang Yang Hong 05 iti kaadayo a 14.92 nautical miles manipod Babuyan Island, Sta. Ana, Cagayan.
Segun ti PCG, impadasda a kinasarita dagiti adda iti barko ngem saanda a simmungbat.
Ti nasao a barko ket datin a simrek ti Philippine Exclusive Economic Zone ken nagsubli manen idi July 31 kalpasan a nangisayangkat iti umabot duapulo ket dua nga aldaw a marine research iti asideg ti Guam.
Agtultuloy iti panagbantay ti PCG kadagiti foreign vessels iti kabaybayan a teritoryo iti Pilipinas.
-- ADVERTISEMENT --
