--Ads--
Impasardengen ti Department of Environment and Natural Resources (DENR) ti plano da a panangputed ti darakkel kayo iti Quirino Avenue, idiay siudad ti Manila.
Segun ken ni Environment Secretary Juan Miguel Cuna, boluntario nga insardeng da ti nadakamat nga addang ken agisayangkat da pay nga umuna iti panagadal.
Innayon na a kitaen da a nalaing ti addang ken baka maaddaan da ti alikamen tapno maikkat wenno maparot dagiti kayo tapno maiyakar iti sabali a lugar.
Maipalagip a nababalaw ti panangputed ti kayo iti Quirino Avenue idiay Manila tapno maikkan dalan iti panangipatakder ti Southern Access Link Expressway (SALEX) a mangkonektar iti Skyway ken Roxas Boulevard.
-- ADVERTISEMENT --
