Nangisayangkat ti Philippine Coast Guard (PCG) ti Maritime Domain Awareness (MDA) flight iti Kalayaan Island Group tapno i-challenge ti mapapati nga illegal a Marine Scientific Research iti China.
Segun ken ni PCG Spokesperson for the West Philippine Sea Rear Admiral Jay Tarriela, nakita ti PCG Islander 4177 ti Chinese oceanographic research vessel Xiang Yang Hong 33 a nakasardeng iti kaadayo a 7.34 nautical miles iti laud a paset iti Rozul Reef.
Nakita pay ti maysa a Chinese Coast Guard vessel ken 13 Chinese Maritime Militia vessels a nakapalawlaw iti lugar.
Maibasar ti Dark Vessel Detection system iti Canada, kinuna ti PCG a pimmanaw ti China research vessel idi April 15 ken nangisayangkat ti survey activities iti agduduma a paset iti exclusive economic zone (EEZ) iti Pilipinas manipod Abril agingga Mayo.
Iti isu met la nga MDA flight, bayat nga umas-asideg iti Pag-asa island, naobserbaran pay ti 28 Chinese Maritime Militia vessels nga aggaabay ken nakapalikmot iti Cay 1 ken Cay 2 idinto a maysa a Chinese Coast Guard vessel iti nakita iti kaadayo a 2 nautical miles manipod iti isla.
