Nagpanawagan ni Presidente Ferdinand Marcos Jr. iti amin nga ahensia ti gobierno nga agtalinaed a naka-full alert ken siguradoen a natalged amin a Pilipino bayat ti pumigpigsa a Bagyo Uwan nga agdama nga umas-asideg iti amianan ti Luzon.
Pakdaar pay ti presidente kadagiti maseknan nga opisial nga agtalinaed a nakasagana ken saan nga agpa-kampante.
Segun iti Philippine Atmospheric, Geophysical and Astronomical Services Administration (PAGASA), nadaras a pimmigsa ti Bagyo Uwan iti napalabas nga uppat a pulo nga oras bayat nga adda ti kabaybayan ti Pilipinas ken posible pay a pumigsa.
Pinasingkedan ti presidente a ti Department of Transportation (DOTr) ken Land Transportation Franchising and Regulatory Board (LTFRB) ket nag-deploy ti bus ken truck para ti evacuation.
Ti met Department of Social Welfare and Development (DSWD), Department of Public Works and Highways (DPWH), Armed Forces of the Philippines (AFP), ken Philippine Coast Guard (PCG) ket nakasagana dagiti lugan para iti rescue ken relief operation kadagiti lugar a nadaras a maapektaran.
