--Ads--
Nabara a pinasangbayan ni Presidente Ferdinand Marcos Jr idiay Malakanyang ni Claro “Lito” De Veterbo Jr., ti Guinness World Record holder a nabigbig kas “Fastest Person to Cross the Philippines on Foot.”
Naimaldit ni De Veterbo ti rekord kalpasan a napagnana ti ruta manipud Pagudpud, Ilocos Norte agingga Glan, Sarangani.
Malaksid iti world record feat, binigbig pay ti presidente ti adbokasiyana a “Leave No Trace” a mangitaltal-o iti panangaywan iti aglawlaw ken responsable a turismo.
Gagem ti kampaniana nga allukoyen ti publiko a kissyan ti basura iti aglawlaw nangruna iti outdoor activities ken dagiti biahe.
-- ADVERTISEMENT --
