--Ads--
Impasigurado ni Presidente Ferdinand Marcos Jr ti agtultuloy a suporta ti gobierno kadagiti agtutubo a Pilipino tapno makaturposda iti panagadal ken maaddaan iti naraniag a masakbayan.
Imbaga dayta ti presidente kagiddan ti agtultuloy a pannakaipaay ti Presidential Scholarship iti nadumaduma a paset ti pagilian iti salinong ti Socio-Civic Projects Fund a maidaldalan kadagiti barangay.
Segun ken ni Marcos, dakkel a tulong kadagiti estudiante ti sag-P20K nga ayuda para iti kasapulanda nga agadal ken ti inaldaw-aldaw a gastusenda iti kolehio.
Inyunay-unay pay ti presidente a ti edukasion ket saan a prebilehio no di ket karbengan ti kada agtutubo a Pilipino.
-- ADVERTISEMENT --
