--Ads--
Pinermaan ni Presidente Ferdinand Marcos Jr. ti Executive Order No 116 a mangnayon iti minimum access volume para iti imported a baboy iti 150,000 metric tons kada tawen iti uneg ti 2 a tawen tapno masupusupan ti kinakurang iti suplay ken mapagtalinaed ti presiona iti tiendaan.
Sagudayen ti Executive Order 116 a napermaan idi Mayo 19 a ngumato ti MAV ti baboy para iti MAV Year 2026 manipud iti 54,210 a metriko tonelada nga agbalinen a 204, 210 metric tons.
Naaramid ti addang iti baet ti agtultuloy a panagraira ti African Swine Fever a dakkel a nangkissay iti populasion ti baboy iti pagilian ken nangipangina iti presio.
Agbalin nga epektibo ti pammilin kalpasan a maipablaak iti Official Gazette.
-- ADVERTISEMENT --
