Inikkat ni Presidente Ferdinand Marcos Jr ti danag ti publiko mainaig iti panagkurang ti pondo ti Philippine Health Insurance Corporation.
Segun ken ni Marcos, adu dagiti serbisyo manipud iti Philhealth ti available itan iti publiko.
Dayta ket kalpasan a lineppas ti Korte Suprema ti oral argument-da mainaig iti kontrobersyal a panangiyakar iti P90 billion a pondo ti Philhealth iti National Treasury.
Binilin met ti Korte Suprema dagiti amin a partido a karaman nga agipasa iti memorandum iti uneg ti tallopulo nga aldaw.
Narugian ti nasao nga oral arguments mainaig iti patangan idi Pebrero kalpasan a nangipila iti petisyon ti Korte Suprema ken dagiti dadduma a grupo ken indibidual tapno lapdan ti panangiyakar ti pondo.
Kalpasanna ket nangiruar iti temporary restraining order ti Korte Suprema tapno isardeng ti panagiyakar iti binilion a pisos a pondo.
