VIGAN CITY – Indauluan ni Presidente Ferdinand R. Marcos Jr. ti send-off ceremony para iti siam (9) kadagiti 15 nga atleta a mangibagi iti Pilipinas iti Paris Olympics iti Ayuntamiento de Manila idiay Intramuros, Manila ita nga aldaw , June 21
Nakikaysa iti symbolic turnover ti Philippine Flag da Tagaytay City Mayor ken Philippine Olympic Committee (POC) President Abraham Tolentino ken Philippine Sports Commission (PSC) Chairman Richard Bachmann a mangipasimudaag iti namnama ken suporta ti pagilian.
Naitampok iti aktibidad ti 100 a tawen a pannakipaset ti Pilipinas iti Olympic Games, a mangtanda iti maysa a siglo ti sporting excellence ken international representation.
Dagiti atleta a kualipikado para iti Paris Olympics ket da pole vaulter Ernest John ‘EJ’ Obiena; dagiti gymnast a da Carlos Yulo, Aleah Finnegan, Levi Ruivivar ken Emma Malabuyo; dagiti boksingero a da Aira Villegas, Nesthy Petecio, Hergie Bacyadan, da Eumir Marcial ken Carlo Paalam; Rower Joanie Delgaco; dagiti weightlifters a da Vanessa Sarno, John Ceniza ken Elreen Ando.
 kadagiti 15 nga atleta a mangibagi iti Pilipinas iti Paris Olympics){kind=link}