Isaruno ti House prosecution panel nga isalang iti witness stand ti Senate impeachment court ni former Sen. Antonio Trillanes IV tapno mapapigsa pay ti kaso iti maipagarup nga unexplained wealth ni Vice President Sara Duterte.
Pinasingkedan ni House prosecutor ken Bicol Saro party-list Rep. Terry Ridon a kayat ti prosecution panel nga ipasango ni Trillanes sakbay dagiti Register of Deeds ti Davao City ken Samal City at si Anti-Money Laundering Council Executive Director Atty. Ronel Benaventura.
Impunto ni Ridon a saan a baro iti depensa ti panagtestigo ni Trillanes a karaman iti pila dagiti mapaayaban a witness.
Immunan a kwinestionaran ti depensa ti panagbaliw ti panagsasaruno, ngem imbabawi da met laeng ken impaganetget da a nakasagana da nga i-cross examine ni Trillanes.
