Pinermaan ni Presidente Ferdinand Marcos Jr. ti Republic Act No. 12326 a mangisanud iti Barangay ken Sangguniang Kabataan Elections ken mangituding iti lima a tawen a termino para kadagiti opisial ti barangay ken SK.
Segun ken ni Marcos, nasken nga aramaten dagiti agdama nga opisial ti nayon a panawenda tapno pasayaaten ti serbisio, leppasen dagiti narugian a programa, ken tutukan ti pagkasapulan ti komunidad ken dagiti agtutubo.
Pinasingkedan met ti Malakanyang a ti pannakayatiddug ti termino ket mangidalan iti pannakaipatungpal dagiti long-term project ken saan laeng nga agbalin a rason tapno agpakampante dagiti opisial.
Inyunanay-unay ni Marcos a saan a daytoy a nayon a panawen iti puesto no di ket nayon a panawen para iti accountability kadagiti umili.
