--Ads--
Inawagan ni Senate President Pro Tempore Vicente “Tito” Sotto III tapno ad-adda a mapapigsa ken maikkan ti timek dagiti pamilia a Pilipino iti panagaramid kadagiti linteg ken polisia ti gobierno.
Iti privilege speech na para iti National Family Week, impaganetget ni Sotto ti akem ti pamilia kas kangrunaan nga institusion iti panangporma kadagiti ubbing ken agtutubo.
Itandudo pay ti singasing ti institutionalization ti family mainstreaming ken family impact assessment kadagiti polisiya, linteg, badyet, programa, ken proyekto ti gobierno tapno maikeddeng ti epektoda iti pamilia Pilipino.
