--Ads--
Balligi para iti Department of Justice (DOJ) ti inaramid a panangibasura iti Pasig Regional Trial Court iti kiddaw ni dati a Bamban, Tarlac Mayor Alice Guo a nangidatag ti pyansana.
Segun ken ni DOJ Undersecretary Margarita Gutierrez, gapu ti addang ket agtalinaed a maibalud ni Guo.
Nagtaud iti kaso a qualified human trafficking kontra ken ni Guo gapu iti mapapati a kainaiganna iti illegal POGO operation idiay Bamban.
Impaganetget ti korte a napigsa ti ebidensya iti prosecution kontra ken ni Guo isu nga agtultuloy iti pannakabalud ti dati a mayor idiay Pasig City Jail Female Dormitory.
-- ADVERTISEMENT --
Welcome pay ti pangngeddeng iti korte iti DOJ ken maibilang a balligi iti gagem a maipaay iti hustisya.
