Kampo ni senador Dela Rosa, pinasingkedan a nasapa pay tapno agipila ti habeas corpus petition iti Korte

Saan pay a panawen tapno agipila iti Korte Suprema ti petition of habeas corpus.

Daytoy ti inlawlawag ti kampo ni Senador Ronald Bato Dela Rosa ita nga ipapakemmeg ti Department of Justice (DOJ) kalpasan a maibilang a pugante.

Pinasingkedan ni Atty. Israelito Torreon a mamati isuna a saan a daytoy ti husto a remedy iti agdama a sitwasion.

Immuna nga impaganetget ni dati presidential legal counsel Atty. Salvador Panelo a nasken nga habeas corpus ti impila ti kampo ti senador, saan a petision para iti temporary restraining order.

Segun ken ni Torreon, awan pay ti aktwal a panangkemmeg wenno illegal a panangibalud ken ni Dela Rosa isu posible a maibasura nga insigida ti aniaman a petition for habeas corpus.