Inpakaammo ti National kidney Transplant Institute a gapo ti kinakurang dagiti donasyon ti rason ti organ trafficking iti pagilian kalpasan ti pannakaarestar dagiti sumagmamano a suspek a nairaman iti kidney organ trafficking ken ti pannakarescue dagiti siam a biktima idiay Sanjose Del Monte , Bulacan
Iti agdama, kinuna ni Dr. Concessa C. Casasola, NKTI acting deputy director for Education Training and Research Services nga adda agarup 100 nga organ reciepient iti listaan babaen ti Human organ Preservation Effort ti NKTI ken adda pay sitwasyon a ti pasyente ket abuten ti dua agingga innem a tawen sakbay a makasapol ti kidney donor
Inaig dayta, inpakaammo ni Dr. Rose Marie-Rosette-Liquette , NKTI executive director nga aggatad ti 1.2 million ti kidney transplant operation , umabot met iti 600,000 per operation ti isubsidize ti Philhealth ket malaksid pay dayta, di kumurang a P30,000 ti kasapulan iti kada bulan tapno masakupan dagiti medical checkups ken maintenance medicine.
Gapu iti nangato a gastos iti operasion ken maintenance medicine, kinuna ni Dr. Romina Danguilan a ti kidney transplant ket saan a para iti amin.
