--Ads--
Nagballaag ti Department of Health (DOH) iti publiko kontra iti panag-jogging kagiddan ti nangato a heat index ta posible a mangitunda kadagiti heat-related illness.
Segun ti DOH, uray napateg iti panagbalin nga aktibo ket kasapulan latta nga agannad ta posible a maaddaan ti heat cramps, heat exhaustion ken heat stroke gapu iti nabara a panawen.
Nabalakadan iti publiko a liklikan tii ag-jogging wenno ag-ehersisyo iti oras ti alas dies iti bigat agingga alas kuatro iti malem ta isu ti masansan a pakariknaan iti nangato a heat index.
Impalagip pay ti ahensya a saan a biglaen ti bagi nga ag-ehersisyo, uminom iti adu a danum tapno maliklikan a ma-dehydrate, ken aginana no mabannog wenno no maulaw.
-- ADVERTISEMENT --
