Awan ti ideya ti Malakanyang maipanggep ti nagpatangan da Chinese Ambassador Jing Quan ken First Lady Liza Marcos iti maysa nga event.
Dayta ket kalpasan nga imbingay ti envoy iti social media a naaddaanda ti “pleasant conversation” kadua ti First Lady.
Segun ken ni Palace Press Officer USec. Claire Castro, saan nga imbingay ni First Lady Liza Marcos iti Presidential Communications Office (PCO) no ania iti nagpatanganda iti Chinese envoy.
Impaganetget ni Castro a ti panagdar-ay ti First Lady kadagiti public consular events ken saan nga agreflect a paset iti polisiya wenno diplomatiko a takder iti administrasyon.
Innayon ni Castro a nalawag iti China ti kayat ti administrasyon nga iduron ti diplomasya ken naurnos a panagsarita tapno masolbar ti aniaman nga isyu isu a saanen a kasapulan pay a pakaroen ti tensyon iti nagbaetan iti dua a pagilian.
