Madanagan ti Department of Health (DOH) iti immadu nga agar-aramat iti tobacco ken vape products kadagiti Filipino adults.
Segun ken ni DOH, agtaltalinaed a karit iti salun-at iti nicotine addiction manipod tobacco products iti pagilian.
Iti 2023 National Nutrition Survey, impakaammo ti ahensya a ti panagaramat ti tobacco ken vape kadagiti nataengan nga agtawen iti duapulo agingga limapulo ket siam ket ngimmato manipod iti sangapulo ket siam a porsiento idi 2021 agingga 24.4 percent.
Inladawan ti health department a makapaalarma iti trend kangrunaan iti mabalin nga itunda a kinarisgo iti salun-at gapu kadagiti nasao a produkto.
Iti panagaramat iti tabacco ket kangrunaan a mangitunda iti cardiovascular ken respiratory diseases.
Maibasar pay iti listaan ti Philippine Statistics Authority (PSA), ti atake ti puso, cancer ken strokes ket kangrunaan a rason iti pannakatay iti pagilian idi 2024 ken 2024 a mainaig iti panagaramat iti tobacco.
