Nakaituding nga agbiahe idiay Indonesia ti pamilia ni Mary Jane Veloso ita nga aldaw tapno bisitaenda ti Pilipina sakbay iti pannakaiyakarna ditoy pagilian.
Dagiti bumisita ken ni Veloso ket dagiti nagannakna, dua nga annakna, abogadona a ni Atty. Edre Olalia, dadduma nga opisyal ti Department of Foreign Affairs ken mangibagi manipod OFW advocacy group Migrante.
Nagyaman ti ama ni Mary Jane a ni Cesar iti panangsuportarda iti anakna ken nagyaman pay ken ni Indonesian President Prabowo Subianto.
Kinunana a kiniddaw ni Mary Jane kadakuada a mangitugot iti pastillas nga isu iti itedna kadagiti gagayyemna iti pagbaludan ken kiniddawna ti pannakadalus ti kuartona idiay Nueva Ecija.
Manamnama a maitransfer ni Mary Jane iti pagilian inton December 20, 2024.
