Kinumpirmaran ti Department of Foreign Affairs (DFA) a pitopulo ket walo a Pilipino a nagbalin a biktima ti human trafficking idiay Myanmar iti nawaya-wayaan manipod kadagiti maibilang nga scam centers.
Isuda ket datin a nakemmeg gapu kadagiti kaso nga adda pakainaigan ti immigration pakairamanan ti illegal entry ken residency.
Segun ti DFA, ti Philippine Embassy idiay Yangon ket agdama a makikamkammayet kadagiti otoridad iti Myanmar tapno masigurado a nadaras, natalged ken naurnos ti repatriation dagiti Pilipino nga agsubli iti pagilian.
Nagyaman ti DFA iti gobierno iti Myanmar iti makatao ken addangda nga inaramidda kagiddan ti panagrambak ti Myanmar New Year (Thingyan).
Pinasingkedan ti ahensya a pammaneknek dayta iti nasayaat a kammayet iti Pilipinas ken Myanmar.
Idi 2025 ket naka-repatriate ti Department of Migrant Workers (DMW) iti 839 a Pilipino manipod Myanmar a ti 690 kadakuada ket naikkan ti tulong a pagbiagan.
Agtultuloy a bambantayan ti DMW dagiti online postings a mangididiaya tip eke a package tours ken trabaho idiay Thailand, Cambodia, Laos ken Myanmar.
