--Ads--
Lima a babai nga ubbing ti natay kalpasan a maitapwak iti adalem a waig ti naglugananda a bus idiay Kandal Province, Cambodia.
Segun kadagiti witness, bigla a nagpreno ti drayber tapno lisyan ti maysa a motorsiklo a bimmallasiw iti sango ti bus, isu a naguyas iti igid ti kalsada ken naitapwak iti waig.
Inlugan ti bus dagiti 26 nga agad-adal nga agtawen iti sangapulo ket dua agingga sangapulo ket uppat, a ti tallo kadakuada ket kritikal ti kasasaadna ken 18 ti nadunor.
Kabayatanna, addan iti kustodia dagiti pannakabagi ti linteg ti drayber nga agtawen iti tallopulo ket maysa para iti imbestigasion.
-- ADVERTISEMENT --
