Pinasingkedan ni Interior Secretary Jonvic Remulla a posible nga umabot iti maysa agingga tallo a lawas sakbay a maisubli iti Pilipinas ni dati nga Ako Bicol-Party List Rep. Elizaldy Co manipod pagilian a Czech Republic.
Ni Co ket nakemmeg idiay Prague kalpasan a mapapati a nakemmeg nga awan ti husto a travel documents bayat a padpadasenna a dumalyasat nga agturong idiay Germany.
Pinasubli isuna ti Czech authorities ken manarimaanen ti proseso iti deportation-na.
Kinuna pay ni Remulla a nakadepende ti kindaras ti panagawidna iti koordinasyon ti Department of Foreign Affairs ken dagiti otoridad iti Czech Republic.
Mapapati pay nga adda komplikasyon ta kanselado ti Philippine passport-na.
Kinuna dagiti opisyal a nagturong ni Co iti agduduma a pagilian idiay Europa sakbay a makemmeg ken posible a dimmalan idiay France sakbay a nakadanon idiay Czech Republic.
