Nagpanawagan manen dagiti pamilia ti mapukpukaw a mannadi ken Charlie Atong Ang a sumuko ken sangoen dagiti kaso a kidnapping ken serious illegal detention kontra kenkuana.
Daytoy ket iti tengnga ti agtultuloy a nalawa a manhunt operation dagiti otoridad ken Ang kasaruno ti panangipalawag ti gobierno ti Cambodia nga awan ti rekord ti panagserrek ken panagruar ti negosiante.
Kiddaw dagiti pamilia dagiti mapukpukaw a mannadi ken Ang nga isardeng na ti panangliklik ken makitinnulong iti imbestigasion.
Kabayatanna, pinasingkedan met ni whistleblower Julie Patindongan alyas Totoy a no awan ni Ang idiay Cambodia ket posible nga adda iti sabali a pagilian ti Asia wenno adda iti Pilipinas.
Nagisayangkat metten ti National Bureau of Investigation ti agsina a manhunt idiay Visayas kasaruno ti naawat da nga impormasion iti posible a pagduldulinan ti business tycoon.
