Sinungbatan ti Philippine Atmospheric, Geophysical and Astronomical Services Administration iti komento ni Albay 2nd District Rep. Joey Salceda iti state weather bureau.
Iti maysa a post ni Salceda, kinunana a kasla matmaturog ti PAGASA iti trabahoda iti panangted iti report maipapan ti Bagyo Enteng.
Kuestionaran pay ti kongresista no sursuroten pay laeng ti PAGASA ti “PAR + 5” rule no sadino a ti Philippine area of responsibility ket napalawa iti 5 degrees, ta babaen iti dayta, no adda sumangbay a bagyo iti asideg ti PAR, mabalin a dagus nga agipaulog ti PAGASA kadagiti tropical cyclone advisories wenno bulletin.
Depensa ni PAGASA Deputy Administrator Dr. Marcelino Villafuerte, dagusda nga agipaulog iti weather advisory uray no mabukbukel pay laeng daytoy iti ruar ti Philippine Area of Responsibility.
