--Ads--
Inallukoy ti Environmental group a Philippine Movement for Climate Justice ti gobierno nga ideklarada ti national climate emergency gapu iti epekto ti tikag iti pagilian.
Segun iti PAGASA, 15 a probinsia iti Luzon ti naapektaran iti tikag a nangitunda iti basbassit nga apit dagiti mannalon gapu iti kurang a pagpadanum ken nangina a presio ti produksion.
Iti agdama, ti pay laeng Isabela ken Cagayan dagiti probinsia nga state of calamity gapu iti nakaro a tikag.
Kabayatanna, pinasingkedan ti Cagayan Provincial Disaster Risk Reduction and Management Council nga immaboten iti P10.29 billion ti agricultural damage, a nangapektar iti rinibo a mannalon ken mangngalap iti nasao a probinsia.
-- ADVERTISEMENT --
