VIGAN CITY– 4,800 a kilo nga imported a karne nga aggatad ti sumurok P800,000 ti kinumpiskar dagiti kameng ti Provincal Quarantine Office ta linabsan ti driver ti Isuzu closed van ti quarantine checkpoint iday Bio,Tagudin para iti inspeksyon.
Segun kenni provincial quarantine officer Martle Quotoriano, inrason ti driver ti van a ni Gorge Paayon II, agtawen ti 27 ken taga Cupang,Maysantol, Bulakan, Bulacan a kabarbaro pay laeng a driver isu a saan na nga ammo a kasapulan nga agsardeng da iti inspeksyon idinto a ti kadwa na a pahinante a datin nga agbiya-biyahe ket nakaturog sakbay a nakadanun da iti checkpoint.
Pinatalgedan ni Quitoriano a kumpleto ti dokumento dagiti imported a karne ngem nakumpiskar ken naimpound ti lugan gapu iti pananglabsing ti driver iti provincial ordinance no 15-0 series of 2015 ta linabsan na ti checkpoint ket dagiti nakumpiskar a karne ket maiwaras to kadagiti biktima ti bagyo Ompong.
