--Ads--
Nagpanawagan ti Catholic Bishops’ Conference of the Philippines (CBCP) ti diyalogo ken panagkaykaysa iti tengnga ti kumarkaro a riri da Presidente Ferdinand Marcos Jr. ken Bise Presidente Sara Duterte.
Segun ken ni CBCP Episcopal Commission on Public Affairs Chairman Archbishop Ricardo Bacay, agtultuloy da nga isingsingasing ti kappia.
Immuna a nagisayangkat ti prayer vigil ti CBCP President ken Lipa, Batangas Archbishop Gilbert Garcera para iti kappia iti lubong kas panangsurot iti mensahe ni Pope Leo XIV nga “Urbi et Orbi.”
Agtultuloy nga al-allukoyen ti CBCP ti publiko nga agkaykaysa ken itandudo ti kappia iti baet dagiti riri a mapaspasamak.
-- ADVERTISEMENT --
