Mangilatang ti Office of the President iti P200 million a tulong iti probinsia iti Cebu ken kadagiti ili a nakaru a naapektaran iti magnitude 6.9 a ginggined.
Dayta iti pinasingkedan ti presidente bayat ti situational briefing kaduana ni Governor Pamela Baricuatro ken dadduma pay a lokal nga opisyal.
Makaawat iti P50 million para iti intero a probinsia iti Cebu idinto a sag-P20 million tunggal maysa para idiay Bogo City, San Remigio ken Sogod.
Sag-P10 million iti maipaay iti Medellin, Bantayan, Daanbantayan, Madridejos, Santa Fe, Tabogon, ken Tabuelan.
Malaksid dayta ket P5 million tunggal maysa kadagiti LGU-run hospitals a naapektaran iti ginggined ken P20 million para iti maysa nga ospital a kukua ti Department of Health (DOH) iti probinsia.
Gagem ti pondo a mapadaras ti rehabilitasyon, maitultuloy iti serbisyo medical ken masigurado ti insigida a tulong.
