Nagyaman ni Navotas Representative Toby Tiangco ti panag-inspect ni President Ferdinand Marcos Jr. idiay Tangos-Tanca navigational gate ken panagipaay ti relief packs kadagiti naibakwit a pamilia gapu ti nakaru a layos.
Segun ken ni Tiangco, nagpatanganda ken ni President Marcos ti panagsimpa a rumbeng a maaramid iti kabiitan a panawen iti floodgate tapno makatignay iti panaglayos.
Kinunana a dakkel a banag ti personal a panag-inspeksyon ti presidente ti navigational gate ken panangbilinna ti Department of Public Works and Highways (DPWH) a mangipatungpal ti insigida nga addang tapno masolbar dagiti nadadael.
Ti nadadael a floodgate ket maysa kadagiti rason nu apay a nakaru a nalayos idiay Navotas isu a rumbeng a madusa ti kompania nga akin-kua ti barge a simmayad ken nakadadael.
