Pinasingkedan ti Malakanyang a manarimaan iti panagadal ti Food and Drug Administration (FDA) ti aplikasyon para iti baro a dengue vaccine.
Segun ti Department of Health (DOH), pinasingkedan ni Palace Press Officer Claire Castro ti second-generation dengue vaccine a naawagan a Qdenga (TAK-003) iti Takeda Pharmaceuticals a nakabase idiay Japan.
Inlawlawag ni Castro iti maysa a press briefing nga adda napateg a listaan pay a kasapulan a maadal sakbay a maaprubaran.
Iti baet ti patangan iti bakuna ket imbingay ti Malakanyang ti napintas a damag maipanggep ti kasasaad ti dengue iti pagilian.
Iti listaan ti DOH, nababba iti 57% ti bilang dagiti kaso ti dengue ita a tawen a nairekord iti 48,151 kumparar iti 110,924 a kaso iti isu met la a panawen idi napalabas a tawen.
