Kiniddaw ti kampo ni Senador Jinggoy Estrada iti Sandiganbayan a palubosan isuna a dumar-ay kadagiti panagdenggeg kadagiti kaso a plunder ken graft a nakasuot iti sibilyan wenno ordinaryo a kawes imbes a ti uniporme iti maysa a persons deprived of liberty (PDL).
Inkalintegan ti abogado ni Estrada a ni Atty. Noel Ostrea ti nasao a kiddaw iti sangwanan ti Second Division iti anti-graft court.
Segun ti depensa, simmuko ni Estrada isu a saan a kasapulan dagiti nasao nga addang.
Kiddawda iti korte no mabalin nga agparang ti senador kas regular person ken saan nga ordinary nga akusado iti BJMP uniform ken handcuffs.
Maipalagip i8di kalman ket simmango ni Estrada iti Second Division a nakasuot iti yellow a BJMP detainee uniform nga adda nakasurat iti sangona a “BJMP: Changing Lives, Buidling a Safer Nation” idint a “PDL” met iti likodanna.
