Kinumpirmaran ni Palace Press Officer Atty. Claire Castro iti panagikkat ti serbisyo da Department of Health (DOH) Undersecretaries Randy Escolango ken Matthew Baggao.
Ni Escolango kadua ni dati a Health Secretary Teodoro Herbosa ket sumangsango kadagiti reklamo a graft ken grave misconduct nga impila ti grupo dagiti empleado ti DOH maipanggep iti mapapati nga unlawful appointment ni Ecolango iti sumagmamano a posisyon.
Ni met Baggao ket sumangsango kadagiti reklamo maipanggep ti dua a bilang ti graft, panaglabsing iti Procurement Law, ken Code of Conduct for Public Officials and Employees nga impila ti Concerened Health Workers iti Office of the Ombudsman.
Saanen a nangted ti nayon a detalye ti Malakanyang iti rason iti panagikkat dagiti dua.
