Binaliktad ti Korte Suprema ti decision ti Sandiganbayan kontra ken ni dati a First Lady Imelda Marcos mainaig ti pito a bilang ti kaso a graft nga adda pakainaiganna iti maipagarup a financial interests na kadagiti pribado a foundation idiay Switzerland.
Inruar ti First Division ti Korte Suprema ti decision idi pay Hunyo 10, 2026 ngem nai-publiko laeng ita nga aldaw, Setyembre 9.
Ti decision ket epektibo a nangpa-awan ti bisa iti landmark ruling ti Sandiganbayan idi Nobiembre 9, 2018 no sadino guilty ni Marcos iti pito a panaglabsing iti Anti-Graft and Corrupt Practices Act.
Iti immuna a decision ti Sandiganbayan, nasentensiaan ni Marcos ti pannakaibalud a manipod iti innem a tawen ken maysa a bulan agingga sangapulo ket maysa a tawen tunggal bilang.
Karaman pay iti panangipataw ti dusa a perpetual disqualification iti panangiggem ti pampubliko a posision.
