--Ads--
Naisubli iti Philippine National Police General Hospital ni dati a Department of Public Works and Highways (DPWH) Secretary Manuel Bonoan.
Daytoy ket kalpasan a nangipila isuna ti mosion para iti hospital arrest.
Immatendar idi kalman ti malem ti dati nga opisial iti arraignment na ti kaso a graft ken return of warrant iti kaso a plunder iti Sandiganbayan.
Naitantan ti arraignment da Bonoan ken Senador Jinggoy Estrada ket manamnama a mapasamak inton Hunyo 4 gapu ta adda pay nakapenpen a mosion mainaig iti P537 milyon a plunder ken graft charges nga adda pakainaiganna iti maanomalya a flood control projects.
-- ADVERTISEMENT --
Kinumpirma ti Fifth Division ti Sandiganbayan a nangipila ni Bonoan ti mosion para iti hospital arrest.
