Inimbitaran ti Senate Blue Ribbon Committee ni dati a House Speaker ken Leyte 1st District Rep. Martin Romualdez iti agtultuloy a panagdenggeg maipanggep ti mapapati a flood control scandal.
Segun ken ni Sen. Pia Cayetano nga isu ti chair iti komite, nakaituding ti hearing inton bigat June 4, 2026.
Karaman ni Romualdez iti tallopulo ket uppat a personalidad a naimbitaran iti komite.
Immunan a pinaglibakan ti kongresista a saan nga isuna iti adda ti likodan ti iregularidad kadagiti proyekto iti imprastraktura ken budget insertions iti gobierno.
Karaman pay nga inimbitaran ti komite dagiti sangapulo ket walo nga indibidual a nagapayam-ammo a dati a kameng ti Philippine Marines, a mangibagbaga a nangidanonda iti mapapati a kickbacks iti sumagmamano nga opiysal iti gobierno.
Naimbitaran pay ni dati nga assistant engineer Brice Hernandez a dati a nang-akusar iti sumagmamano nga agpampanday linteg iti flood control anomaly.
Segun ti komite, gagem ti imbestigasyon nga amwen iti kinapudno iti likodan dagiti alegasyon ken siguradon ti sungbat kadagiti proyekto iti gobierno.
